IMA Abacus Mental Arithmetic, Kids Learning, Children Learning, IMA Academic, Sensory, Programmes, Foundation, Education, Creative Thinking, IMA, Abacus, Mental Arithmetic, Centre, Franchise, Learning Centre, Children Learning Centre, Enrichment Centre, Mental Arithmetic Learning Malaysia, Abacus Learning Malaysia IMA Abacus Mental Arithmetic, Kids Learning, Children Learning, IMA Academic, Sensory, Programmes, Foundation, Education, Creative Thinking, IMA, Abacus, Mental Arithmetic, Centre, Franchise, Learning Centre, Children Learning Centre, Enrichment Centre, Mental Arithmetic Learning Malaysia, Abacus Learning Malaysia
ប្រធានសារ IMA សេចក្ដីណែនាំអំពីក្រុមហ៊ុន IMA ប្រវត្តិក្រុមហ៊ុន IMA បុគ្គលិកអង្គការ IMA អំពីយើង IMA សក្ខីភាពនៃកម្មវិធី IMA ការទទួលខុសត្រូវរបស់ IMA ការបូកសរុបរបស់ IMA ការទទួលស្គាល់ពានរង្វាន់ IMA
បិទ  X

សក្ខីភាពនៃកម្មវិធី IMA

 

 

សក្ខីភាពនៃកម្មវិធី IMAពីឪពុកម្តាយក្នុងប្រទេសម៉ាឡេ - ២០១៧

កូនទី១ របស់ខ្ញុំមានអាយុ 8 ឆ្នាំហើយកូនទី 2 មានអាយុ 7 ឆ្នាំ។ ខ្ញុំអាចមើលឃើញថាពួកគេចាប់អារម្មណ៍នឹងការសិក្សានិងផ្តោតការយកចិត្តទុកដាក់បន្ថែមលើការសិក្សារបស់ពួកគេ។ មេរៀនត្រូវបានរៀបចំនិងមានលក្ខណៈជាប្រព័ន្ធ។ ខ្ញុំមានអារម្មណ៍ថា IMA គឺជាវគ្គសិក្សាមួយដែលរំញោចនិងបណ្តុះបណ្តាលខួរក្បាលទាំងផ្នែកខាងឆ្វេងនិងស្តាំ។ វាក៏សម្រួចគំនិតកូនរបស់ខ្ញុំឱ្យកាន់តែផ្តោតអារម្មណ៍និងមានការច្នៃប្រឌិត។ រហូតមកដល់ពេលនេះខ្ញុំអាចឃើញថាពួកគេមានគំនិតកាន់តែខ្លាំង ហើយពួកគេអាចធ្វើការសម្រេចចិត្តដោយខ្លួនឯង ហើយខ្ញុំពិតជារីករាយណាស់ដែលពួកគេរៀននៅទីនោះ។ វាក៏មានប្រយោជន៍ផងដែរនៅក្នុងមុខវិជ្ជាសិក្សារបស់ពួកគេ ជាពិសេសគណិតវិទ្យា ពួកគេកាន់តែមានការឯករាជ្យជាមួយនឹងកិច្ចការផ្ទះរបស់ពួកគេ។ ខ្ញុំគិតថាកម្មវិធី IMA គឺជាកម្មវិធីដ៏ល្អមួយ ហើយវាមិនអាចរកឃើញនៅក្នុងមជ្ឈមណ្ឌលសិក្សាដទៃទៀតទេ ព្រោះវាអាចជំរុញនិងបង្ហាត់ខួរក្បាលដល់កូន ៗ របស់ខ្ញុំ។ ខ្ញុំក៏បានឃើញដែរថា កូន ៗរបស់ខ្ញុំ ចាប់អារម្មណ៍យ៉ាងខ្លាំងក្នុងការរៀន ពីព្រោះគ្រូបង្រៀនបង្រៀនពួកគេ តាមរបៀបសប្បាយៗ និងយកចិត្តទុកដាក់លើពួកគេ។ ក្រៅពីនេះ នាយកសាលាលោក Sam មានភាពស្និទ្ធស្នាលណាស់ជាមួយខ្ញុំនិងកូន ៗរបស់ខ្ញុំ ដូច្នេះខ្ញុំក៏គោរពគាត់ដែរ។ IMA ពិតជាល្អខ្លាំងណាស់។

 សក្ខីភាពនៃកម្មវិធី IMAពីឪពុកម្តាយក្នុងប្រទេសចិន - ២០១៧

កូនប្រុសរបស់ខ្ញុំបានចាប់ផ្តើមមេរៀន IMA នៅពេលដែលគាត់មានអាយុ 4 ឆ្នាំ។ វាបង្កើនការចងចាំ ការស្រមើលស្រមៃ និងភាពច្នៃប្រឌិតរបស់គាត់បន្ទាប់ពីបានរៀនវគ្គសិក្សា IMA ។ ខ្ញុំគិតថាប្រសិនបើមានបរិយាកាសរៀនសូត្រល្អសម្រាប់គាត់យើងគួរតែអនុញ្ញាតឱ្យគាត់សាកល្បង។ នៅសាលារៀនសមត្ថភាពក្នុងការពន្យល់និងនិយាយរបស់គាត់ក៏ត្រូវបានកែលម្អផងដែរ ហើយខ្ញុំអាចមើលឃើញពីការរីកចំរើនរបស់គាត់។ គ្រូបង្រៀនមានទំនួលខុសត្រូវខ្លាំង ដូច្នេះយើងមានអារម្មណ៍ធូរស្រាល។ ក្រោយពីរៀន ABACUS និងគណិតវិទ្យា កូនរបស់ខ្ញុំមានការរីកចំរើនច្រើន។ ជាឧទាហរណ៍គាត់អាចរៀបរាប់យ៉ាងច្បាស់អំពីព្រឹត្ដិការណ៍ក្នុងមួយថ្ងៃ។ IMA មិនត្រឹមតែបង្រៀន abacus និង MENTAL-ARITHMETIC ទេប៉ុន្តែក៏បង្កើនសមត្ថភាពចងចាំនិងជំនាញសង្កេតរបស់កូនខ្ញុំផងដែរ ដូច្នេះវាពិតជាកន្លែងមួយដែលមានប្រយោជន៍ក្នុងការសាកល្បង។ ដូចដែលខ្ញុំបានរៀបរាប់នៅពេលនេះខ្ញុំមិនបង្រៀនមុខវិជ្ជាគណិតវិទ្យាជាមូលដ្ឋានតែបួនទេតែវាក៏ជួយលើកកម្ពស់ការចងចាំនិងការចងចាំរបស់កូនខ្ញុំផងដែរ។ នោះហើយជាមូលហេតុដែលខ្ញុំមានអារម្មណ៍ថាពួកគេមានទំនួលខុសត្រូវក្នុងវិស័យអប់រំ។

សក្ខីភាពនៃកម្មវិធី IMA ពីឪពុកម្តាយជនជាតិឥណ្ឌា - ២០១៧

ខ្ញុំមានកូនពីរនាក់កំពុងសិក្សាកម្មវិធី IMA។ ពួកគេទាំងពីរនាក់បានសិក្សាវគ្គ IMA តាំងពីពួកគេអាយុ៥ឆ្នាំ។ វាជាវគ្គសិក្សាដ៏ល្អមួយសម្រាប់IQ ដែលពួកគេអាចគណនាលេខ និងដោះស្រាយលំហាត់បានលឿនជាងមុន។ ពួកគេអាចផ្តោតអារម្មណ៍ទៅលើគ្រប់មុខវិជ្ជាទាំងអស់នៅសាលា។ គ្រូបង្រៀនរបស់ពួកគេជាគ្រូល្អ ពីព្រោះរបៀបនៃការបង្រៀនមានភាពច្នៃប្រឌិតខ្លាំងណាស់ ដូច្នេះហើយទើបកូនៗ របស់ខ្ញុំអាចយល់បានយ៉ាងងាយ។ កូនរបស់ខ្ញុំចាប់អារម្មណ៍លើកម្មវិធី IMA ដោយសារពួកគេមានគំនិតច្នៃប្រឌិត និងមានប្រព័ន្ធ Abacus ។ ប្រព័ន្ធ Abacus មានន័យថាពួកគេអាចធ្វើការគណនាយ៉ាងឆាប់រហ័សនៅក្នុងថ្នាក់ ហើយពួកគេទទួលបានពិន្ទុខ្ពស់នៅក្នុងមុខវិជ្ជាគណិតវិទ្យានៅសាលា។ សម្រាប់គំនិតច្នៃប្រឌិត ពួកគេអាចតាក់តែងនិងបង្កើតសំណួរ និងបញ្ចប់បានលឿនជាងមុន។

មជ្ឈមណ្ឌលដែលមានស្នាដៃល្អជាងគេ និងពានរង្វាន់គ្រូឧទ្ទេសល្អបំផុតប្រចាំឆ្នាំ២០១៤ នៃកម្មវិធី IMA

ភាពជោគជ័យ គឺអាស្រ័យលើការងារជាក្រុម និងកិច្ចខិតខំប្រឹងប្រែងរួមគ្នាពីក្រុមអ្នកជំនាញ។ ក្រុម Intelligent Education មានគ្រូឧទ្ទេសល្អៗជាច្រើនដែលមកពីទីកន្លែងផ្សេងៗគ្នា នៅទូទាំងពិភពលោក។ ពួកគេធ្លាប់បានធ្វើការងារជាច្រើន និងមានបទពិសោធន៍បង្រៀនយ៉ាងច្រើន។ ក្រៅពីនេះពួកគេក៏បានចែករំលែកនូវភាពប្រមើស្រមៃ តាមរយៈការបង្រៀនអំពីគុណតម្លៃ និងជំនាញដល់សិស្ស និងជំរុញឱ្យពួកគេទទួលបានជោគជ័យយ៉ាងឆាប់រហ័ស។ ជាមួយនឹងអាកប្បកិរិយាត្រឹមត្រូវ គ្រប់យ៉ាងក៏អាចសម្រេចបាន នៅ Intelligent Education Group។ រហូតមកដល់ពេលនេះ ក្រុមរបស់យើងកំពុងរីកលូតលាស់យ៉ាងខ្លាំង។ សូមចូលរួមជាមួយគ្រួសារ IMA សម្រាប់ដំណើរការការងារដ៏អស្ចារ្យ។ សូមអបអរសាទរចំពោះមជ្ឈមណ្ឌលដែលមានស្នាដៃល្អជាងគេ និងគ្រូឧទ្ទេសដ៏ល្អបំផុតរបស់ពួកយើង។

ពានរង្វាន់ជើងឯករបស់ IMA ឆ្នាំ២០១៤

យើងបានប្រឹងប្រែងអស់ពីសមត្ថភាព នៅក្នុងការប្រកួតប្រជែងការឆ្លាតវៃលំដាប់អន្តរជាតិ ឆ្នាំ២០១៤។ យើងសង្ឃឹមថា សិស្សរបស់យើងនឹងមានភាពឧស្សាហ៍ព្យាយាមជាងមុន។ ក្រៅពីនេះ យើងសូមសម្ដែងការដឹងគុណចំពោះគ្រូឧទ្ទេស ដែលបានខិតខំប្រឹងប្រែងបណ្ដុះបណ្ដាលដល់សិស្សរបស់យើងអស់រយៈពេល៦ខែកន្លងមក។ យើងគ្មានបំណងយកតែពានរង្វាន់ក្នុងដំណើរការហ្វឹកហ្វឺននោះទេ។ គោលបំណងរបស់យើង គឺចង់លើកកម្ពស់ចក្ខុវិស័យ និងសមត្ថភាពក្នុងការរៀនសូត្រ ដើម្បីទទួលបានលទ្ធផលល្អ។ សូមអរគុណ។

ពួកយើងមកពីប្រទេសអេហ្ស៊ីប។ នេះជាលើកទី៣ហើយ ដែលយើងបានចូលរួមក្នុងការប្រកួតប្រជែងកម្មវិធី IMA ជាអន្តរជាតិ។ យើងមានមោទនភាពណាស់ចំពោះស្នាដៃសិស្សរបស់យើង។ នៅថ្ងៃនេះ ពួកយើងទទួលបានពានរង្វាន់ចំនួនប្រាំបួន ហើយយើងពិតជាសប្បាយរីករាយខ្លាំងណាស់ចំពោះជោគជ័យនេះ។ យើងសូមថ្លែងអំណរគុណដល់អ្នកទាំងអស់ ដែលបានជួយជ្រោមជ្រែងសិស្សរបស់យើង។ ពួកគេមានសេចក្ដីរំភើបរីករាយក្រៃលែង។ ពួកគាត់យល់ថា ការឈ្នះរង្វាន់នឹងផ្លាស់ប្តូរជីវិតរបស់គាត់។ យើងមានមោទនភាពចំពោះក្រុម សិស្សានុសិស្ស និងប្រទេសរបស់យើង។ ភាពឈ្លាសវៃគឺប្រសើរបំផុត។

ពួកយើងមកពីប្រទេសប៉ាលេស្ទីន។ យើងពិតជាសប្បាយចិត្តណាស់ ដោយសារតែសិស្សរបស់យើងទទួលបានជើងឯកនៅក្នុងការប្រកួតប្រជែងកម្មវិធី IMA ជាអន្តរជាតិឆ្នាំ២០១៤ "ឈ្លាសវៃ ឈ្លាសវៃ ខ្ញុំស្រលាញ់អ្នក!" ។

យើងមកពីប្រទេសស្រីលង្កា។ យើងមានមោទនភាពខ្លាំងណាស់ដែលកូនៗ របស់យើងទទួលបានជោគជ័យនៅក្នុងព្រឹត្តិការណ៍នេះ។ យើងបានប្រកួតជាមួយអ្នកចូលរួមដទៃទៀតមកពីបណ្តាប្រទេសជាច្រើន។ នេះជាលើកទី១ហើយ ដែលយើងទទួលបានពានរង្វាន់ច្រើនបែបនេះ។ យើងសូមអរគុណដល់លោកគ្រូ អ្នកគ្រូនិងអ្នករាល់គ្នា ដែលបានគាំទ្រយើង។ ដោយសារតែការប្តេជ្ញាចិត្ត និងការខិតខំប្រឹងប្រែងរបស់សិស្ស ទើបធ្វើឱ្យពួកគេទទួលបានជោគជ័យ។ ឆ្លៀតឱកាសនេះ យើងខ្ញុំក៏សូមអរគុណដល់មាតាបិតា ដែលបានអញ្ជើញមតពីទូទាំងប្រទេសស្រីលង្កា ដើម្បីចូលរួមក្នុងកម្មវិធីនេះ។ យើងសូមសម្ដែងការដឹងគុណយ៉ាងជ្រាលជ្រៅ ចំពោះអ្នករៀបចំប្រកួតប្រជែងកម្មវិធី IMA ជាអន្តរជាតិ នេះឡើងបានយ៉ាងជោគជ័យ ជាពិសេសលោកSAM ដែលបានផ្តល់នូវគ្រឿងបរិក្ខារទាំងឡាយដល់ប្រទេសយើង។ ក្រៅពីនេះ យើងសូមអបអរសាទរដល់កូនៗ របស់យើងដែលបានបញ្ចេញស្នាដៃយ៉ាងល្អនិងធ្វើឱ្យប្រទេសស្រីលង្កាមានមោទនភាពយ៉ាងខ្លាំង។ យើងទើបតែចាប់ផ្តើមកម្មវិធី IMA នៅឆ្នាំនេះ (២០១៤) ហើយមកទល់ពេលនេះយើងមានសិស្សចំនួន៤០០ នាក់។ សិស្សរបស់យើងបានបង្ហាញភាពរីកចម្រើនខាងមុខវិជ្ជាគណិតវិទ្យា។ កម្មវិធី IMA បានក្លាយទៅជាកម្មវិធីដ៏ពេញនិយមនៅក្នុងប្រទេសស្រីលង្កា។ យើងមានបំណងពង្រីកបន្ថែម និងរំពឹងទុកថា ចំនួនសិស្សនឹងកើនឡើងក្នុងឆ្នាំ២០១៥។ យើងសន្យាថា នឹងដឹកនាំក្រុមធំជាងនេះនៅក្នុងការប្រកួតលើកក្រោយ និងឈ្នះមេដាយឱ្យបានច្រើន។ ពួកយើងសង្ឃឹមថា នឹងប្រែក្លាយប្រទេសស្រីលង្កា និងកម្មវិធី IMA ឱ្យកាន់តែមានប្រជាប្រិយភាពនៅក្នុងពិភពលោក។ សូមអរគុណ។

ជាកិត្តិយសណាស់សម្រាប់ពួកយើង ដែលបានចូលរួមក្នុងការប្រកួតប្រជែងកម្មវិធី IMA ជាអន្តរជាតិ ក្នុងឆ្នាំ២០១៤។ នេះជាកម្មវិធី ដែលមានអភ័យឯកសិទ្ធិ ទាំងការបង្កើត ការរៀបចំបានល្អ ថែមទាំងមានការចូលរួមច្រើន។ ពួកយើងតំណាងឱ្យបណ្តាប្រទេសតំបន់ឈូងសមុទ្រ មានប្រទេសគុយវ៉េត កាតា បារ៉ែន រាជាណាចក្រអារ៉ាប់ អារ៉ាប់រួម ហ្ស៊កដានី អូម៉ាន់ ស៊ូដង់ និងឧបទ្វីបអាហ្វ្រិក។ យើងមានសេចក្ដីរំភើបរីករាយ ហើយមានអារម្មណ៍ថា កម្មវិធី IMA កាន់តែប្រសើរឡើង។ វាពិតជាលំបាកណាស់ក្នុងការរៀបចំកម្មវិធីដ៏ល្អមួយ។ កុមារគឺជាក្ដីបារម្ភរបស់យើងទាំងអស់គ្នា ព្រោះពួកគេគឺជាអនាគតរបស់ប្រទេសជាតិ។ យើងកំពុងរៀបចំកម្មវិធីសម្រាប់ថ្ងៃស្អែក។ វាគឺជាកាតព្វកិច្ចរបស់សហគមន៍ ក្នុងការផ្តល់នូវទស្សនៈវិស័យ។ ការចូលរួមក្នុងការប្រកួតប្រជែងគឺជាវេទិកាកាងាររបស់ពួកគេ។ IMA មិនត្រឹមតែជាកម្មវិធីប៉ុណ្ណោះទេ តែជាផ្នែកមួយដែលមានមូលដ្ឋានផ្អែកលើវិទ្យាសាស្រ្ត។ វាជាកម្មវិធីមួយ ស្ដីអំពីការចិញ្ចឹម និងអភិវឌ្ឍខួរក្បាលទាំងសងខាង។ យើងអាចនិយាយបានថា កម្មវិធី IMA នឹងទទួលបានភាពជោគជ័យ។ យើងមានការកោតសរសើរចំពោះក្រុម IMA សម្រាប់ការដឹកនាំកម្មវិធីនេះ។ នេះគឺជាការប្រកួតប្រជែងបន្ថែមសម្រាប់មណ្ឌលទាំងអស់ទូទាំងពិភពលោក។ វាកាន់តែមានតម្លៃដល់សិស្សានុសិស្ស នាពេលអនាគត។ យើងគិតថាការប្រកួតប្រជែងនេះ គឺពិតជាល្អ។ សូមអរគុណ។

សក្ខីកម្មពីការប្រកួតប្រជែងកម្មវិធី IMA ជាអន្តរជាតិ ឆ្នាំ២០១៤ ក្រុម F ជ័យលាភីទាំង៣រូប

ពួកយើងសប្បាយចិត្តយ៉ាងខ្លាំង ដែលកូនរបស់យើងបានបង្ហាញសមត្ថភាព នៅក្នុងការប្រកួតកម្មវិធី IMA ជាអន្តរជាតិ ក្នុងឆ្នាំ២០១៤។ កម្មវិធី IMA ជំរុញការគិតរបស់ពួកគេកាន់តែរហ័ស។ ក្រៅពីនេះ យើងសូមថ្លែងអំណរគុណ ចំពោះកិច្ចខិតខំប្រឹងប្រែងរបស់លោកគ្រូ អ្នកគ្រូតាំងពីដើមរហូតមក។ "ភាពឈ្លាសវៃ គឺល្អបំផុត!"

សក្ខីកម្មពីការប្រកួតប្រជែងកម្មវិធី IMA ជាអន្តរជាតិ ឆ្នាំ២០១៤ ក្រុម E ជ័យលាភីទាំង៣រូប

យើងសង្កេតឃើញថា សមត្ថភាពក្នុងការគិតរបស់កូនៗ យើងមានភាពល្អប្រសើរជាងមុន ហើយវាបង្កើនសន្ទុះនៃដំណើរការសិក្សារបស់ពួកគេ។ ជាក់ស្ដែង ពួកគេអាចទន្ទេញពាក្យអង់គ្លេស ឬម៉ាឡេ ចាំបានយ៉ាងរហ័ស។ បន្ទាប់ពីការបណ្តុះបណ្តាលក្នុងកម្មវិធី IMA អស់រយៈពេលប៉ុន្មានឆ្នាំកន្លងមក កូនរបស់យើងអាចឆ្លើយសំណួរគណិតវិទ្យា ឬមុខវិជ្ជាដទៃទៀតបានយ៉ាងលឿន។ យើងសូមអរគុណដល់ការខិតខំប្រឹងប្រែងរបស់លោកគ្រូ អ្នកគ្រូនៅក្នុងការបង្រៀនកម្មវិធីIMA នេះ។ "ឈ្លាសវៃ ឈ្លាសវៃ ខ្ញុំស្រលាញ់អ្នក!"

សក្ខីកម្មពីការប្រកួតប្រជែងកម្មវិធី IMA ជាអន្តរជាតិ ឆ្នាំ២០១៤ ក្រុម D ជ័យលាភីទាំង៣រូប

នេះគឺជាការចូលរួមលើកទី២ ហើយសម្រាប់កូនៗ របស់យើងក្នុងការប្រកួតប្រជែងកម្មវិធី IMA ជាអន្តរជាតិនេះ។ ពួកគេបានរៀនក្នុងកម្មវិធីIMA រយៈពេលពីរឆ្នាំកន្លះហើយ។ យើងសូមអរគុណលោកគ្រូ អ្នកគ្រូរបស់ពួកគេដែលបានលើកទឹកចិត្ត និងបណ្តុះបណ្តាលជាបន្តបន្ទាប់នៅមុនការប្រកួត។ ជាមួយនឹងកម្មវិធីIMA ឥទ្ធិពលនៃការចងចាំរបស់កូនៗយើងកាន់តែរីកចម្រើនឡើង ហើយពួកគេចេះប្រកបអក្សរ និងដោះស្រាយលំហាត់គណិតបានយ៉ាងស្ទាត់ជំនាញ។ ឧទាហរណ៍ ពួកគេចេះលំហាត់គុណលេខ តាំងតែពីក្មេង។

សក្ខីកម្មមកពីការប្រកួតប្រជែងកម្មវិធី IMA ជាអន្តរជាតិ ឆ្នាំ២០១៤ ក្រុមC ជ័យលាភីទាំង៣រូប

យើងពិតជាភ្ញាក់ផ្អើលខ្លាំងណាស់ ដែលកូនៗ របស់យើងបានឈ្នះពានរង្វាន់នេះ ទោះបីជាពួកគេទើបតែរៀនក្នុងកម្មវិធី IMA ក្នុងរយៈពេលខ្លីក៏ដោយ។ លោកគ្រូ អ្នកគ្រូរបស់ពួកគេបានលើកទឹកចិត្តយើងឱ្យទៅប្រកួតប្រជែង ព្រោះពួកគេអាចធ្វើសំនួរក្នុងល្បឿនមួយយ៉ាងលឿន។ ដូច្នេះហើយ ទើបពួកយើងចង់សាកល្បង។ សិស្សរបស់ខ្ញុំអាចសម្របខ្លួនលឿនក្នុងការរៀនកម្មវិធី IMAនេះ ។ បងប្រុសរបស់គាត់ក៏បានឈ្នះពានរង្វាន់ដែរ។ ដូច្នេះហើយ យើងសូមលើកទឹកចិត្តដល់មាតាបិតាទាំងឡាយ ដើម្បីផ្តល់ឱកាសឱ្យកូនៗរបស់ពួកគាត់ក្នុងការស្វែងយល់បន្ថែមទៅលើការប្រកួតប្រជែងរបស់យើង។

សក្ខីកម្មមកពីការប្រកួតប្រជែងកម្មវិធី IMA ជាអន្តរជាតិ ឆ្នាំ២០១៤ ក្រុម B ជ័យលាភីទាំង៣រូប

យើងកត់សម្គាល់ឃើញថាកូនៗ របស់យើងចូលចិត្តកម្មវិធី IMA នេះខ្លាំងណាស់ ដោយសារពួកគេមានភាពសប្បាយរីករាយនៅក្នុងថ្នាក់។ យើងសូមអរគុណដល់គ្រូបង្រៀនរបស់ពួកគេ ដែលបានធ្វើឱ្យការសិក្សារបស់កូនយើងកាន់តែមានភាពប្រសើរឡើង។

សក្ខីកម្មពីការប្រកួតប្រជែងកម្មវិធី IMA ជាអន្តរជាតិ ឆ្នាំ២០១៤ ក្រុម A ជ័យលាភីទាំង៣រូប

កូនរបស់យើងបានរៀនក្នុងកម្មវិធី IMA អស់រយៈពេលប្រហែលមួយឆ្នាំ។ សមត្ថភាពនៃការផ្តោតអារម្មណ៍របស់ពួកគេកាន់តែល្អ ហើយយើងបានឃើញថាពួកគេមានការអត់ធ្មត់ជាងមុន នៅពេលធ្វើការងារអ្វីមួយ។

យើងខ្ញុំសូមថ្លែងអំណរគុណដល់គ្រូឧទ្ទេស ព្រោះពួកគាត់បានជម្រុញកូនយើង ឱ្យទទួលបានភាពជោគជ័យនៅក្នុងការប្រកួត។ គ្រូឧទ្ទេសនៅតែបន្តផ្ដល់ការបណ្តុះបណ្តាលឱ្យពួកគេ ហើយអំឡុងការប្រកួត ពួកគេបានឆ្លើយសំណួរហើយច្រើនជាងមុន។ យើងឃើញថាកម្មវិធី IMA បានជួយពន្លឿនសមត្ថភាពក្នុងការចងចាំ ដោយសារពួកគេអាចទន្ទេញអ្វីៗ បានយ៉ាងច្រើន។ ភាគច្រើន នៅពេលដែលយើងកំពុងគិតពីចម្លើយ ពួកគេគិតចម្លើយចេញមុនបាត់ទៅហើយ។ ក្រៅពីនេះទៅទៀត យើងក៏គិតថាបុគ្គលិកទាំងអស់នៅក្នុងក្រុមហ៊ុន INTELLIGENT មានថាមពលខ្លាំងណាស់។ ពួកគេបានបង្ហាញពីភាពរីករាយនៅក្នុងភារកិច្ចរៀងៗខ្លួន។ យើងស្រឡាញ់ Intelligent!

យើងមកពីប្រទេសអេហ្ស៊ីប។ នេះគឺជាលើកទី២ របស់យើង ដែលបានចូលរួមក្នុងការប្រកួតប្រជែងដែលរៀបចំដោយ Intelligent Education Group ។ យើងមានមោទនភាពចំពោះសិស្សរបស់យើងណាស់ ពីព្រោះពួកគេបានបញ្ចេញស្នាដៃដ៏អស្ចារ្យ តាមរយៈការឈ្នះពានរង្វាន់ដល់ទៅ ៣។ ពួកគេបានការពិនិត្យឡើងវិញ និងចំណាយពេលវេលាជាច្រើនក្នុងការហ្វឹកហាត់។ ពួកគេបានផ្តោតអារម្មណ៍យ៉ាងខ្លាំង អំឡុងពេលបណ្តុះបណ្ដាលក្នុងកម្មវិធីIMA។ ដូច្នេះ ពួកគេសមនឹងទទួលបាននូវអ្វីដែលពួកគេបានធ្វើ។ និយាយឱ្យខ្លី នេះគឺជាថ្ងៃដ៏ល្អបំផុតនៅក្នុងជីវិតរបស់យើង។
"ខាងកើត ខាងលិច ឈ្លាសវៃ គឺល្អបំផុត"



យើងមកពីទីក្រុង Johor Bahru ។ កូនប្រុសអាយុប្រាំមួយឆ្នាំរបស់យើងបានជាប់ចំណាត់ថ្នាក់លេខ ៣ នៅក្នុងការប្រកួត។ គាត់ពិតជាសប្បាយរីករាយណាស់។ កូនប្រុសរបស់ខ្ញុំកាន់តែរីកចម្រើនមុខវិជ្ជាគណិតវិទ្យា។ គាត់មានទំនុកចិត្តច្រើនជាងមុន ព្រោះគាត់អាចរាប់លេខបានយ៉ាងលឿន។ យើងក៏សូមអរគុណផងដែរ ចំពោះអ្នកគ្រូ Candy ដែលបានប្រឹងប្រែងហ្វឹកហាត់គាត់ឱ្យខិតខំអស់ពីសមត្ថភាព។



កូនៗ របស់យើងពិតជារីករាយខ្លាំងណាស់ ដោយសារតែពួកគេទទួលបានជ័យលាភីទាំង៣ នៅក្នុងការប្រកួតកម្មវិធី Intelligent International Mental Arithmetic ឆ្នាំ២០១២។ ក្រោយពីបានរៀនក្នុងវគ្គ IMA នេះមក ចំណេះដឹងខាងគណិតវិទ្យារបស់ពូកគាត់មានភាពប្រសើរឡើង។ ពួកគេអាចគណនាលេខបានយ៉ាងលឿន។ ក្រៅពីនេះ កម្មវិធីបានបង្កើនសមត្ថភាពប្រើប្រាស់ខួរក្បាលខាងស្តាំរបស់ពួកគេ ជាពិសេសការបណ្ដុះគំនិតច្នៃប្រឌិតដែលទទួលបានមតិវិជ្ជមានពីចំណោមសិស្ស។



យើងរីករាយនឹងចូលរួមក្នុងការប្រកួតប្រជែងកម្មវិធី Intelligent International Competition ឆ្នាំ២០១២។ សិស្សដែលចូលរួមទាំងអស់ ត្រេកអរខ្លាំងណាស់។ យើងគិតថា ការប្រកួតនេះ ត្រូវបានរៀបចំយ៉ាងល្អ ក្រោមការគ្រប់គ្រងរបស់ Intelligent Education Group។ ការរៀបចំត្រូវបានធ្វើឡើង ចាប់តាំងពីពាក់កណ្ដាលឆ្នាំ មុនការប្រកួត។ យើងសូមអរគុណចំពោះកិច្ចខិតខំប្រឹងប្រែងរបស់អ្នកទាំងអស់។ លើសពីនេះ យើងក៏សូមកោតសរសើរដល់នាយកដ្ឋានស្រាវជ្រាវវ និងការអភិវឌ្ឍ ចំពោះការរៀបចំកម្មវិធីនេះអស់រយៈពេលជាច្រើនឆ្នាំ ដើម្បីជួយដល់សិស្សានុសិស្សជំនាន់ក្រោយ។



យើងមកពីប្រទេសទួគី។ នេះគឺជាលើកទី១ហើយ ដែលយើងចូលរួមក្នុងការប្រកួតប្រជែងនេះ។ យើងមានមោទនភាពណាស់ដែលបានក្លាយជាផ្នែកមួយនៃគ្រួសារដ៏ធំនេះ។ ការប្រកួតប្រជែងដ៏អស្ចារ្យនេះ ត្រូវបានរៀបចំឡើងដោយជោគជ័យ។ ការគ្រប់គ្រង និងគ្រូឧទ្ទេសក៏ល្អដែរ។ មិនមានអ្នកចាញ់ទេនៅក្នុងការប្រកួតនេះ។ ពួកគេទាំងអស់ គឺជាអ្នកឈ្នះ។ សូមអរគុណ។



Carolyn មានការរីកចម្រើនយ៉ាងខ្លាំង នាងប្រុងប្រយ័ត្នជាងមុននៅក្នុងមុខវិជ្ជាគណិតវិទ្យា ហើយគ្រូបង្រៀននៅសាលារបស់ Collin បាននិយាយថា Collin មានភាពរហ័សរហួនជាងមុននៅក្នុងមុខវិជ្ជាគណិតវិទ្យា។ Collin និង Carolyn បានសិក្សាក្នុងថ្នាក់ Intelligent Mental-Arithmetic រយៈពេលប្រហែលមួយឆ្នាំ។ ហើយខ្ញុំឃើញថា មុខវិជ្ជាគណិតវិទ្យារបស់គេមានភាពប្រសើរឡើងច្រើន។ អ្វីដែលខ្ញុំពេញចិត្តនោះគឺ គ្រូបង្រៀនមានភាពរួសរាយរាក់ទាក់ ហើយបន្ទប់សម្រាប់បង្រៀនទាំងអស់រៀបចំបានយ៉ាងល្អ និងធ្វើឱ្យពួកគេរីករាយ។ ខ្ញុំសូមលើកទឹកចិត្តឪពុកម្តាយឱ្យចុះឈ្មោះកូនៗរបស់គាត់នៅក្នុងថ្នាក់ Intelligent Mental-Arithmetic ដោយសារនាយកសាលា និងបុគ្គលិកទាំងអស់មានភាពរួសរាយរាក់ទាក់ ហើយពួកគេសុទ្ធតែមានជំនាញ។ ខ្ញុំប្រាកដថាកូនៗ របស់អ្នកនឹងទទួលបានអត្ថប្រយោជន៍ដូចកូនរបស់ខ្ញុំដែរ។



កូនប្រុសរបស់យើងឈ្មោះ Syamir Akmal បានរៀនថ្នាក់ Mental-Arithmetic រយៈពេល២ឆ្នាំហើយ។ ក្នុងកំឡុងពេលពីរឆ្នាំនេះ យើងឃើញមានភាពរីកចម្រើនច្រើន។ ការសិក្សារបស់គាត់ក៏ប្រសើរឡើងផងដែរ។ ក្រៅពីនេះ ការប្រមូលអារម្មណ៍ និងសមត្ថភាពខាងគណិតវិទ្យារបស់គាត់កាន់តែល្អ។ តាមពិត សព្វថ្ងៃគាត់ជាសិស្សបឋមសិក្សា តែគាត់អាចគណនាប្រមាណវិធីគុណបានយ៉ាងស្ទាត់ជំនាញ។ មកដល់ពាក់កណ្តាលឆ្នាំនេះ គាត់ពិតជារីកចម្រើនយ៉ាងខ្លាំង។ បច្ចុប្បន្ន Syamir រៀននៅថ្នាក់មធ្យមសិក្សា។ វគ្គIMA មិនត្រឹមតែល្អសម្រាប់ការសិក្សារបស់គាត់ប៉ុណ្ណោះទេ ថែមទាំងអនាគតរបស់គាត់ទៀតផង។ ក្នុងនាមជាឪពុកម្តាយ យើងតែងព្យាយាមបណ្តុះបណ្ដាលគាត់។ ឧទាហរណ៍ ពេលដែលយើងដើរទិញឥវ៉ាន់ គាត់ជាអ្នកគណនាតម្លៃ។ ហើយគាត់អាចគិតបានយ៉ាងរហ័ស។ "យើងពេញចិត្តនឹងកម្មវិធីIMA នេះ ហើយយើងនឹងចុះឈ្មោះកូនប្រុសទីពីរម្នាក់ទៀត ព្រោះថា កម្មវិធីនេះមានអត្ថប្រយោជន៍ច្រើន" ។

កូនប្រុសច្បងរបស់យើង Kelvin និងកូនប្រុសទី២ ឈ្មោះ Keith បានសិក្សាវគ្គ IMA អស់រយៈពេលជាងមួយឆ្នាំមកហើយ។ ពេលទើបតែចូលរៀន ពួកគេបានជួបបញ្ហាជាច្រើន។ នេះដោយសារតែពួកគេរៀនក្នុងថ្នាក់ K1 នៅឡើយ។ បន្ទាប់ពីទទួលបានការបង្រៀនដោយយកចិត្ដទុកដាក់ពីគ្រូបង្រៀនមក ពួកគេបានចាប់ផ្ដើមចូលចិត្តកម្មវិធីIMA ។ ខ្ញុំឃើញថា ការចងចាំ និងការយកចិត្តទុកដាក់ពួកគេកាន់តែប្រសើរឡើង។ Kevin ជាសិស្សបឋមសិក្សា។ គាត់តែងតែទទួលពិន្ទុ១០០% ក្នុងមុខវិជ្ជាគណិតវិទ្យា។ នេះបង្ហាញថាកម្មវិធី IMA ជួយជម្រុញគាត់បានច្រើនណាស់។ Keith ក៏បានចូលរៀនកម្មវិធី IPS (Intelligent International Phonetic Symbols)។ កម្មវិធីនេះក៏មានប្រយោជន៍ណាស់ដែរ សម្រាប់ភាសាអង់គ្លេសរបស់ពួកគេ។ ពួកគេទទួលពិន្ទុខ្ពស់ក្នុងការប្រឡងនៅសាលា។ ខ្ញុំក៍ពេញចិត្តនឹងបរិយាកាសសិក្សាក្នុងកម្មវិធី Intelligent។ ជាក់ស្ដែងមជ្ឈមណ្ឌលនេះផ្លាស់ប្ដូរការតុបតែងពីរបីខែម្ដង។ រីឯបរិយាកាសវិញ គឺស្អាត និងមានផាសុកភាព។ ពេលខ្លះ លោកគ្រូ អ្នកគ្រូ មានភាពតឹងតែងខ្លាំងចំពោះសិស្ស ដោយសារពួកគេមិនយកចិត្តទុកដាក់ក្នុងការសិក្សារៀនសូត្រ។ ទោះជាយ៉ាងណាក៏ដោយ សិស្សតែងទទួលបាន ទាំងរង្វាន់និងការដាក់ទោសពីគ្រូរបស់គេ។ ជួនកាល កូនរបស់ខ្ញុំទទួលបានរង្វាន់តិចតួច ឬក៏ស្ករគ្រាប់ជាដើម។ រង្វាន់ទាំងនេះលើកទឹកចិត្តកូនរបស់ខ្ញុំឱ្យកាន់តែចូលចិត្តការរៀនសូត្រ។ ខ្ញុំសូមថ្លែងអំណរគុណជាខ្លាំងចំពោះលោកគ្រូ អ្នកគ្រូទាំងអស់ក្នុងកម្មវិធី Intelligent Mental-Arithmetic ដែលមានការអត់ធ្មត់ខ្លាំងក្នុងការបង្រៀនកូនរបស់ខ្ញុំ។ ការខិតខំប្រឹងប្រែងនេះជួយឱ្យពួកគេទទួលបានលទ្ធផលល្អនៅសាលា។ "កូនៗ របស់ខ្ញុំរៀនកាន់តែពូកែ ហើយខ្ញុំនឹងឱ្យកូនប្រុសពៅរបស់ខ្ញុំសិក្សាក្នុងវគ្គនេះដែរ" ។



នេះជាលើកទី១ហើយ ដែលខ្ញុំចូលរួមក្នុងការប្រកួតនេះ។ ខ្ញុំភ្ញាក់ផ្អើលណាស់ ដោយឃើញថា វាជាព្រឹត្តិការណ៍ដ៏ធំមួយ ហាក់បីដូចជាក្រុមគ្រួសារដ៏ធំ មួយ។ នេះជាកិត្តិយសរបស់ខ្ញុំក្នុងនាមជាសមាជិកមួយនៃ Intelligent Education Group។ ទោះបីជាយ៉ាងណាក៏ដោយ នេះជាកម្មវិធីដ៏អស្ចារ្យមួយពីព្រោះអ្នកបណ្តុះបណ្តាលកម្មវិធី IMA មិនត្រឹមតែផ្តល់នូវទ្រឹស្តីប៉ុណ្ណោះទេ ថែមទាំងចែករំលែកនូវការអនុវត្តជាក់ស្តែង។ និយាយដោយស្មោះ កម្មវិធីនេះបានបង្កើនចំណេះដឹង និងបទពិសោធន៍របស់ខ្ញុំ ឱ្យក្លាយជាអ្នកអប់រំដែលមានសមត្ថភាព។ សូមអរគុណ INTELLGENT ខ្ញុំស្រលាញ់INTELLGENT ។



បានរៀនក្នុងវគ្គ Mental- Arithmetic តាំងពីខ្ញុំមានអាយុ៥ឆ្នាំ។ ដំបូង ខ្ញុំគិតថា វាពិបាកណាស់។ ទោះជាយ៉ាងណាក៏ដោយ ប៉ុន្មានខែក្រោយមក ខ្ញុំកាន់តែចូលចិត្ដវគ្គនេះខ្លាំងឡើងៗ។ ដូចសុភាសិតមួយពោលថា "ការអនុវត្តធ្វើឱ្យល្អឥតខ្ចោះ"។ ខ្ញុំបានបញ្ចប់ការសិក្សាវគ្គនេះដោយជោគជ័យ។ បន្ទាប់ពីបានសិក្សាពីវគ្គ Mental- Arithmetic ខ្ញុំឃើញថាសមត្ថភាពខាងគណិតវិទ្យារបស់ខ្ញុំមានការរីកចម្រើនច្រើន។ វគ្គ Mental- Arithmetic ពិតជាមានអត្ថប្រយោជន៍ណាស់ ជាពិសេសសម្រាប់ការផ្ទៀងផ្ទាត់ចម្លើយ។ ខ្ញុំថែមទាំងបានឈ្នះពានរង្វាន់ជាច្រើនក្នុងការប្រកួតគណិតវិទ្យានៅសាលា។ ក្រៅពីនេះសមត្ថភាពក្នុងការគិតរបស់ខ្ញុំក៏មានភាពប្រសើរឡើងដែរ។ ខ្ញុំពិតជាមានសំណាង ហើយខ្ញុំសូមអរគុណដល់ឪពុកម្តាយរបស់ខ្ញុំដែលបានផ្តល់ឱកាសឱ្យខ្ញុំបានរៀនវគ្គ Mental- Arithmetic។ ខ្ញុំបានក្លាយជាជើងឯកនៅក្នុងការប្រកួតប្រជែងជាអន្តរជាតិនេះ។ ខ្ញុំចង់ឆ្លៀតឱកាស អរគុណចំពោះលោកគ្រូរបស់ខ្ញុំ ដែលបានហ្វឹកហាត់ខ្ញុំសម្រាប់ការប្រកួតនេះ។ ក្រៅពីនេះ ខ្ញុំក៏សូមអរគុណដល់ក្រុមគ្រួសាររបស់ខ្ញុំ ដែលបានគាំទ្រខ្ញុំនៅក្នុងការប្រកួតនេះ។ សូមអរគុណ!



កូនស្រីច្បងរបស់យើងបានឱ្យយើងភ្ញាក់ផ្អើលយ៉ាងខ្លាំង នៅពេលដែលនាងក្លាយជាជើងឯកក្នុងការប្រកួត។ យើងពិតជាសប្បាយរីករាយណាស់ ដោយសារទទួលការបណ្តុះបណ្តាល ត្រឹមតែប៉ុន្មានខែប៉ុណ្ណោះ យើងមិនបានរំពឹងថានាងអាចទទួលជោគជ័យនៅក្នុងការប្រកួតលើកដំបូងរបស់នាងបែបនេះឡើយ។ យើងក៏មិនបានរំពឹងដែរថា កូនស្រីពៅរបស់យើង ក្លាយជាអ្នកជាប់ជ័យលាភីក្នុងចំណោមអ្នកឈ្នះ៤០រូប។ យើងមានមោទនភាពចំពោះកូនស្រីរបស់យើងណាស់។ យើងសូមថ្លែងអំណរគុណដល់ Intelligent Education Group និងលោកគ្រូ អ្នកគ្រូ ដែលបានប្រឹងប្រែងយ៉ាងខ្លាំងក្នុងការបណ្ដុះបណ្ដាលកូនស្រីរបស់យើង។ សូមអរគុណ។



តាងនាមឱ្យកូនប្រុសខ្ញុំ ខ្ញុំសូមយកឱកាសនេះថ្លែងអំណរគុណដល់លោកស្រីនាយិកា Yeoh Khar Moy និងអ្នកគ្រូ Jasmine ដែលមកពីកម្មវិធី Intelligent Mental-Arithmetic (IMA) DESA Tebrau។ ទាំងចំណេះដឹង ទាំងវិធីសាស្រ្តបង្រៀនរបស់អ្នក ធ្វើឱ្យសមត្ថភាពនៃការគណនាលេខរបស់កូនប្រុសខ្ញុំរីកចម្រើនក្នុងរយៈពេលដ៏ខ្លី រហូតទទួលបាននូវជ័យលាភីជើងឯកក្នុងការប្រកួត Intelligent Mental-Arithmetic International ឆ្នាំ២០១០ ដែលបានងប្រារព្វធ្វើឡើងនៅ Persada Johor នាថ្ងៃទី២៦ ខែធ្នូ ឆ្នាំ២០១០។ ការយកចិត្តទុកដាក់ និងភាពអត់ធ្មត់ បានធ្វើឱ្យកូនប្រុសរបស់ខ្ញុំទទួលបានជោគជ័យដ៏អស្ចារ្យ។ ខ្ញុំសឹងតែមិនជឿថា កូនប្រុសរបស់ខ្ញុំបានចូលរួមជាមួយ IMA Desa Tebrau នៅថ្ងៃទី២៩ ខែវិច្ឆិកា ឆ្នាំ ២០០៩។ ការរីកចម្រើនរបស់គាត់បានមកដោយការណែនាំពីសំណាក់គ្រូឧទ្ទេសទាំង២រូប។ ដូច្នេះ ជាថ្មីម្ដងទៀតខ្ញុំសូមថ្លែងនួវអំណរគុណយ៉ាងជ្រាលជ្រៅបំផុត ចំពោះលោកស្រី Yeoh និងអ្នកគ្រូ Jasmine ដែលបានរួមចំណែកជួយដល់កូនចៅរបស់ខ្ញុំ។



ខ្ញុំមានកិត្ដិយសណាស់ ដែលមានឱកាសបានក្លាយជាសមាជិកនៅក្នុង Intelligent Education Group ។ ខ្ញុំមានមោទនភាពណាស់ ដែលបានទទួលរង្វាន់ជា "The Best Performance Centre" និង "The Best Instructor" នៅក្នុងការប្រកួត Intelligent Mental Arithmetic International ឆ្នាំ២០១០។ ក្នុងនាមបុគ្គលិកទាំងអស់នៃ Tmn Bukit Mutiara ខ្ញុំសូមសម្ដែងនូវអំណរគុណដ៏ជ្រាលជ្រៅបំផុត ចំពោះការិយាល័យកណ្តាល ដែលបានផ្តល់នូវវេទិកាធំទូលាយដើម្បីជួយយើងបានរីកចម្រើន និងទទួលបានភាពប្រសើរឡើង។ ក្រៅពីនេះយើងខ្ញុំក៏សូមកោតសរសើរផងដែរ ចំពោះការទទួលស្គាល់ ការជឿទុកចិត្ត និងសេចក្ដីត្រាប្រណី ចំពោះការគ្រប់គ្រង និងការឧទ្ទិសដល់គ្រូបង្គោលនៅការិយាល័យកណ្តាល។ លើសពីនេះទៀតខ្ញុំសូមសម្ដែងនូវកតញ្ញុតាធម៌ ចំពោះលោកគ្រូ អ្នកគ្រូទាំងអស់នៅក្នុងមណ្ឌលរបស់ខ្ញុំ ជាពិសេសលោកស្រី Yam Zi Wei ចំពោះកិច្ចខិតខំប្រឹងប្រែង និងការយកចិត្តទុកដាក់របស់ពួកគេ ក្នុងពេលកន្លងមក និងពេលបច្ចប្បន្ននេះ។ ទន្ទឹមនឹងនេះ ខ្ញុំសូមថ្លែងអំណរគុណចំពោះការគាំទ្រ និងកិច្ចសហប្រតិបត្តិការរបស់ឪពុកម្តាយ និងសិស្សដែលចែករំលែកការសើចសប្បាយនៅពេលធ្វើការនៅក្នុងថ្នាក់រៀន។ នេះគឺជាកម្លាំងរុញច្រាន ជួយឱ្យយើងដើរឆ្ពោះទៅមុខ។ បើទោះបីជាកិត្តិយសនឹងសាបរលាបទភវិញបន្តិចម្តងៗក៏ដោយ ប៉ុន្ដែភាពវិជ្ជមាន និងការទទួលស្គាល់ នៅតែជំរុញយើងឱ្យបន្តដំណើរទៅមុខជានិច្ច។ យើងមានឆន្ទៈលើកកម្ពស់គុណភាពនិងសមត្ថភាព សំដៅរួមចំណែកដល់ការអភិវឌ្ឍមជ្ឈមណ្ឌលរបស់យើងដោយភាពខ្លាំង។ សូមអរគុណ និងសូមជូនពរលោកអ្នកទាំងអស់ មានសុខភាពល្អប្រសើរ! សូមឱ្យ Intelligent Education Group ឆ្ពោះទៅរកភាពរុងរឿង។



ជាបឋម ខ្ញុំមានសេចក្ដីរីករាយ ដើម្បីបង្ហាញនូវពានរង្វាន់ទាំងពីរដ៏មានអត្ថន័យ ដែលមជ្ឈមណ្ឌលទទួលបាន ក្នុងចំណោមមជ្ឈមណ្ឌទាំង១០ និងគ្រូបង្រៀនល្អបំផុតចំនួនបួន ក្នុងចំណោមបណ្តាញអាជីវកម្មទាំងអស់នៅក្នុង Intelligent Education Group។ ខ្ញុំសូមអរគុណដល់លោក SAM TAI (នាយកគ្រប់គ្រង) ដែលបានផ្តល់ឱកាសឱ្យខ្ញុំ បានក្លាយជាម្ចាស់អាជីវកម្ម IMA ។ ការណែនាំ និងដំបូន្មាន របស់លោក SAM និងលោកស្រី Liau មានសារសំខាន់ណាស់ ដើម្បីជួយឆ្ពោះទៅរកភាពជោគជ័យ។ យ៉ាងណាក៏ដោយ ភាពស្ទាក់ស្ទើរ និងការខ្វះខាត កើតឡើងនៅតាមផ្លូវដែលមិនអាចបំភ្លេចបាន។ លើសពីនេះ ប្រសិនបើពុំមានការគាំទ្រ និងទំនុកចិត្តពីឪពុកម្តាយចំពោះ IMA និងការយកចិត្តទុកដាក់ដោយមានកិច្ចសហប្រតិបត្តិការក្នុងចំណោមគ្រូទាំងអស់ទេ នោះខ្ញុំនឹងមិនមានឱកាសដើម្បីបង្ហាញពីការដឹងគុណរបស់ខ្ញុំចំពោះអ្នកទាំងអស់នៅទីនេះឡើយ។ ដោយការគាំទ្រទំនុកចិត្តនិងការលើកទឹកចិត្តរបស់លោកអ្នក យើងនឹងខិតខំប្រឹងប្រែងបន្ថែមទៀតដើម្បីធ្វើឱ្យបានប្រសើរបំផុតក្នុងអាជីពបង្រៀនរបស់យើងខ្ញុំ។ នៅទីបញ្ចប់ ខ្ញុំសង្ឃឹមថាគ្រូបង្រៀនទាំងអស់អាចរីកចំរើនជាមួយខ្ញុំ។ សូមឱ្យឪពុកម្តាយរបស់យើងទាំងអស់បន្តទទួលបានអត្ថប្រយោជន៍ពីកម្មវិធី IMA ។



ដោយអារម្មណ៍អន្ទះអន្ទែង រំភើប និងសប្បាយរីករាយ ខណៈកំពុងហាត់រៀនដោយយកចិត្តទុកដាក់ ដើម្បីរកគន្លឹះក្នុងការប្រកួតប្រជែង។ ទោះបីជាប្រឈមមុខនឹងបញ្ហាជាច្រើននៅក្នុងពេលហ្វឹកហាត់ក៏ដោយ ក៏កុមារមិនបោះបង់ការខិតខំប្រឹងប្រែងឡើយ។ការប្រឹងប្រែង និងអារម្មណ៍ពោរពេញដោយភាពទន់ភ្លន់ និងមិនចេះរុញរា ទីបំផុតទទួលបានការសរសើរពីគ្រូបង្រៀន។ នៅពេលដែលការប្រកួតប្រជែងឈានមកដល់ កុមារបានហ្វឹកហាត់យ៉ាងស្វាហាប់ក្នុងរយៈពេលតែ៨នាទី។ គ្រូបង្រៀនរបស់យើងមានការព្រួយបារម្ភចំពោះកុមារ នៅពេលឃើញសភាពបែបនេះនៅក្នុងថ្ងៃប្រកួត។ ខណៈពេលប្រកាសចំណាត់ច្នាក់លេខ "១ ២ ៣ ចាប់ផ្តើម!" កុមារនៅក្នុង mental calculation group គិតក្នុងចិត្ត ខណៈពេលដែលកុមារនៅក្នុង abacus calculation group បន្ដគណនាចម្លើយ តាមរយៈពណ៌ក្រហមនិងពណ៌លឿងរហូតដល់បញ្ចប់តន្ត្រី។ ដោយសារតែកិច្ចសហប្រតិបត្តិការរបស់ឪពុកម្តាយ និងការខិតខំប្រឹងប្រែងរបស់កុមារ យើងបានឈ្នះរង្វាន់ជាច្រើនពីការប្រកួតប្រជែងនេះ។ ជាការសប្បាយរីករាយណាស់ នៅពេលដែលកុមារអាចឈានដល់ដំណាក់កាលនៃការផ្តល់រង្វាន់ និងគួរឱ្យចងចាំមួយនៅក្នុងជីវិតរបស់ពួកគេ។ យើងសូមកោតសរសើរ ចំពោះលទ្ធផល និងការណែនាំ ដែលផ្តល់ដោយ Intelligent Education Group។ គ្រូបង្រៀនរបស់យើងបានទទួលចំណេះដឹង និងបទពិសោធបង្រៀនជាច្រើន និងសូម្បីតែកិត្តិយសក៏គ្មានកំណត់ដែរ។ យើងក៏សង្ឃឹមផងដែរ ដើម្បីឈរនៅក្នុងការប្រកួតប្រជែងបន្ទាប់ទៀត។ សូម INTELLIGENT! មានអាយុយឺនយូរ! Kulai!